Ning Tungtume Jagat

Ning Tungtume Jagat

ning tungtume jagat
kedok menusa abang-branang kaya Klana
mlakue blagah, mbebadog sewayah-wayah
omongan sing metu mung kari cemera, babi, lan buaya

rajae ngalas kaya berokan
garang, pating gebyor, lan bringas
ambeke gede, pengen ngeleg gunung mbari mancal endas
wadyabala dadi cecunguk
dolanan clurit lan golok luruh wadal
belatung, ula, lan menyawak rebutan batang satoan

akeh mayid dibedel wetenge
isie aspal, brangkas, lan wiwitan alas

ning tungtume jagat
rasa-rasane bumi sayah lawas sayah mengkeret
ning jero ati damar cempor wis lawas mati
prilaku menusa mung kari anguse
wangur lan ireng blegedeg!

Supali Kasim
Dermayu, 2008